اسلام آباد (این این آئی)سینیٹ کی قائمہ کمیٹی بجلی کے اجلاس میں سینیٹر بہرہ مند تنگی نے پاور ڈویژن حکام سے سوال کیاہے کہ آپ کے سیکرٹری پاور کہاں ہیں؟ پاورڈویڑن غریب آدمی کو ریلیف دینے کے لیے اپنی ذمے داری کا احساس کرے۔اجلاس میں پاور ڈویژن کے حکام نے کہا کہ سیکرٹری پاور کو اہم کام تھا اس لیے نہیں آسکے، وزیراعظم کی زیرِ صدارت بجلی چوری روکنے کے لیے اہم اجلاس ہونا ہے۔کمیٹی کے چیئرمین سیف اللہ ابڑو نے کہا کہ اجلاس میں سی ای اوز بھی تشریف نہیں لائے، کمیٹی اجلاس میں چیئرمین نیپرا کو بلایا جائے، ہمیں ریلیف کے بارے میں اہم امور طے کرنے ہیں۔اجلاس میں سینیٹر فدا محمد نے کہا کہ کے الیکٹرک کے سی ای او کہاں ہیں؟۔اس موقع پر سینیٹر بہرہ مند تنگی نے کہاکہ پورا ملک ایک بحران میں مبتلا ہے، ملک میں جو بحران ہے پاور سیکٹر کے لیڈرز کو خود یہاں موجود ہونا چاہیے۔سینیٹر بہرہ مند تنگی نے کہا کہ چینلز پر بیٹھ کر کہا جاتا ہے کہ یہ آئی ایم ایف کی وجہ سے ہے، بجلی چوری اور ڈیفالٹ روکنے سے آئی ایم ایف نے تو منع نہیں کیا، یہاں پاور ڈویڑن کو مکمل معلومات ہی نہیں ہیں۔اجلاس میں کے الیکٹرک حکام نے کہا کہ کراچی میں امن و امان کے حوالے سے اہم اجلاس ہے،بجلی بلز میں اضافے کے بعد کے الیکٹرک کی تنصیبات پر حملے ہو رہے ہیں، کے ای انفرا اسٹرکچر کی حفاظت اور امن و امان پر اجلاس ہو رہے ہیں۔اجلاس میں چیئرمین کمیٹی سیف اللہ ابڑو نے کہا کہ ہم نے گزشتہ اجلاس میں کہا تھا کے الیکٹرک کے سی ای او نہ آئے تو سمن جاری کریں گے، آپ بتائیں ان کو کس طرح بلائیں، اگر وہ عزت و آبرو کے ساتھ آنا چاہتے ہیں تو ایک موقع اور دے دیتے ہیں، ہمیں وہ تاریخ دیں جس دن سی ای او کے الیکٹرک آئیں گے۔اجلاس میں پاور ڈویژن کے حکام نے کہا کہ نگراں وزیراعظم نے بحران پر گزشتہ روز 2 اجلاس کیے۔سیکرٹری پاور اور چیئرمین نیپرا کی عدم شرکت پر کمیٹی نے شدید برہمی کا اظہار کیا اور چیئرمین کمیٹی نے کہا کہ ٹیرف عوام کی پہنچ سے باہر ہوچکا، نیپرا چیئرمین کیوں غیرسنجیدگی دکھا رہے ہیں؟اس موقع پر کمیٹی کے ارکان نے کہا کہ باقی ایجنڈا مؤخر کردیں اور بلز کا ایجنڈا سرفہرست رکھا جائے، اس وقت بجلی بلز میں اضافے کے خلاف عوام سراپا احتجاج ہیں، ملک سول نافرمانی کی طرف جارہا ہے، نیپرا اور پاور ڈویژن غیرسنجیدگی دکھا رہے ہیں۔
مقبول خبریں
اگلے چند روز میں سعودی عرب کا اعلیٰ اختیاراتی وفد پاکستان آ رہا ہے،عطاء...
اسلام آباد (این این آئی) وفاقی وزیراطلاعات ونشریات عطاء اللہ تارڑ نے کہا ہے کہ اگلے چند روز میں سعودی عرب کا اعلیٰ...
وزیراعظم شہباز شریف کامتحدہ عرب امارات کے شاہی خاندان کے رکن شیخ طحنون بن...
اسلام آباد(این این آئی)وزیراعظم شہباز شریف نے متحدہ عرب امارات کے شاہی خاندان کیرکن اور ممتاز کاروباری شخصیت شیخ طحنون بن محمد النہیان...
امریکا کو پاکستان کی جانب سے اڈے دینے کے قیاس آرائیوں میں کوئی صداقت...
اسلام آباد (این این آئی)ترجمان دفتر خارجہ نے کہا ہے کہ امریکا کو پاکستان کی جانب سے اڈے دینے کے قیاس آرائیوں میں کوئی...
اپنی آئینی حدود کو بخوبی جانتے، دوسروں سے بھی پاسداری مقدم رکھنے کی توقع...
راولپنڈی (این این آئی)آرمی چیف جنرل سید عاصم منیر نے کہا ہے کہ ہم اپنی آئینی حدود کو بخوبی جانتے ہیں اور دوسروں سے...
امریکی ڈیموکریٹس کا رفح حملہ روکنے کیلئے بائیڈن کو کھلا خط
واشنگٹن (این این آئی)غزہ کے شہر رفح میں اسرائیلی حملے روکنے کے لیے 57 امریکی ڈیموکریٹس نے ایک کھلے خط پر دستخط کرتے ہوئے...