اسلام آباد (این این آئی )سیکرٹری پاور راشد لنگڑیال نے بتایا ہے کہ بجلی چوروں کے خلاف جمعرات سے کریک ڈائون شروع کر دیا گیا ہے۔سیکرٹری پاور راشد لنگڑیال نے مائیکرو بلاگنگ ویب سائٹ ایکس (ٹوئٹر)پر ایک بیان میں کہاکہ کریک ڈائون میں تمام چیف سیکریٹریز اور آئی جی پولیس کا تعاون ہے۔انہوںنے کہاکہ ہمیں معلوم ہے کہ چوروں کے خلاف یہ مہم آسان نہیں لیکن ناکامی کا کوئی آپشن نہیں۔سیکریٹری پاور نے لکھا کہ فیلڈ فارمیشن کو ہدایت کی ہے کہ بجلی چوروں کے خلاف بلا امتیاز کارروائی کریں۔
