اسلام آباد(این این آئی)وفاق اور چاروں صوبوں کے نگراں وزرائے قانون نے قومی اور تمام صوبائی اسمبلیوں کے انتخابات ایک ہی روز کرانے کی تجویز دے دی۔نگراں وفاقی وزیرِ قانون کی سربراہی میں چاروں نگراں صوبائی وزرائے قانون کا اجلاس منعقد ہوا۔اجلاس میں قومی اور صوبائی اسمبلیوں کے انتخابات سے متعلق معاملات پر مشاورت کی گئی۔اجلاس کے دوران قومی اور تمام صوبائی اسمبلیوں کے انتخابات ایک ہی روز کرانے کی تجویز پیش کی گئی۔ترجمان وزارتِ قانون کے مطابق اجلاس میں کہا گیا کہ صاف اور شفاف انتخابات کی ذمے داری الیکشن کمیشن کی ہے، جو ایک آزاد آئینی ادارہ ہے۔
