اسلام آباد (این این آئی)امریکی سفیر ڈونلڈ بلوم نے گزشتہ روز گوادر کا دورہ کیا ہے،ترجمان امریکی قونصل خانہ کے مطابق دورے کے دوران تجارتی تعلقات کو مزید وسعت دینے کا جائزہ لیا گیا۔امریکی قونصل خانے کے ترجمان نے بتایا کہ گزشتہ سال سیلاب کے بعد امریکا نے 6 لاکھ 61 ہزار افراد کی مدد کی۔ترجمان امریکی قونصل خانہ ے مطابق گزشتہ سال امریکی مدد سے 41 مراکزِ صحت کی کامیابی سے تجدید کی گئی۔امریکی قونصل خانے کے ترجمان نے بتایا کہ اپنے دورے کے دوران ڈونلڈ بلوم نے سیاسی رہنماوں اور کاروباری افراد سے تعمیری مذاکرات کیے ہیں۔ترجمان امریکی قونصل خانہ نے کہا کہ امریکی سفیر نے سیاسی رہنماوں اور کاروباری افراد کو معیشت، سیکیورٹی اور دیگر شعبوں میں امریکی معاونت کی یقین دہانی کرائی ہے۔
