اسلام آباد(این این آئی)مسلم لیگ (ن)کے رہنماو سابق وزیر دفاع خواجہ محمد آصف نے کہاہے کہ ٹی ٹی پی کابل کی اتحادی ہے،افغان سر زمین پاکستان کے خلاف دہشت گردی کیلئے استعمال ہو رہی ہے،افغانستان امن کی ضمانت اور فروغ یقینی بنائے۔جاری بیان میں انہوں نے کہا کہ افغانستان کے ساتھ مسائل بہت سنجیدہ نوعیت کے ہیں۔خواجہ آصف نے کہاکہ افغانستان کا فرض ہے کہ وہ امن کی ضمانت اور فروغ یقینی بنائے۔انہوںنے کہاکہ خیر سگالی اور نیک خواہشات یک طرفہ نہیں ہو سکتیں۔سابق وزیر دفاع نے کہا کہ افغانستان کے ساتھ مسائل مریضوں کی آمد و رفت اور تجارت تک محدود نہیں۔انہوں نے کہاکہ مریضوں کے تیمار داروں کے لبادے میں دہشت گرد پاکستان آ رہے ہیں۔مسلم لیگ (ن)کے رہنماخواجہ محمد آصف نے کہاکہ پاکستان کی افواج اور شہری شہید ہو رہے ہیں،پس منظر سامنے رکھنے کی ضرورت ہے۔
