تہران (این این آئی)ایرانی صدر ابراہیم رئیسی نے امریکا سے ایران پر عائد پابندیاں ختم کرنے کا مطالبہ کردیا۔غیرملکی خبررساں ادارے کے مطابق ابراہیم رئیسی نے اقوام متحدہ کی جنرل اسمبلی سے خطاب کے دوران امریکا سے پابندیاں ختم کرنے کا مطالبہ کرتے ہوئے کہا کہ پابندیوں کے مطلوبہ نتائج نہیں ملے، اب وقت آگیا ہے کہ امریکا غلط راستہ چھوڑکردرست کا انتخاب کرے۔ابراہیم رئیسی نے یہ الزام بھی عائد کیا کہ امریکا نے یورپی ممالک کو کمزور کرنے کے لیے یوکرین جنگ کو ہوا دی اور کہاکہ بدقسمتی سے یہ طویل المدتی منصوبہ ہے۔
