اسلام آباد (این این آئی)جمعیت علمائے اسلام (ف) کے سربراہ مولانا فضل الرحمان نے مستونگ اور ہنگو میں دھماکوں کی مذمت کرتے ہوئے کہاہے کہ انسانی جان ،مال اور عزت وآبرو پر حملہ کرنے والے اسلام دشمن ،ملک دشمن اور قوم کے غدار ہیں۔ اپنے بیان میں مولانا فضل الرحمن نے کہاکہ مستونگ اور ہنگو دھماکے قابل مذمت اور انتہائی افسوسناک ہیں۔مولانا فضل الرحمان نے کہاکہ کس قدر سفاک ہیں وہ عناصر جنہوں آج کے دن بھی انسانیت کا پاس نہیں رکھا۔مولانا فضل الرحمان نے کہاکہ انسانی جان ،مال اور عزت وآبرو پر حملہ کرنے والے اسلام دشمن ،ملک دشمن اور قوم کے غدار ہیں۔انہوںنے کہاکہ آج کے بابرکت دن کے موقع پر خونریزی بڑی سازش کا حصہ ہے۔مولانا فضل الرحمان نے کہاکہ قانون نافذ کرنے والے اداروں کی کارکردگی پر تحفظات ہیں،بے گناہ انسانوں کے خون سے کھیلنے والوں کو سخت سزا دی جائے۔ مولانا فضل الرحمن نے کہاکہ قوم کو یک جاں ہو کر ایسے فسادی عناصر کا مقابلہ کرنا ہوگا۔ انہوںنے کہاکہ زخمیوں کو بہتر سے بہتر طبی سہولیات فراہم کی جائیں،دعاگو ہوں کہ اللہ کریم شہداء کی شہادتوں کو قبول فرمائے اور ان کے درجات بلند فرمائے۔مولانا فضل الرحمان نے کہاکہ شہداء کا خون رائیگاں نہیں جائے گا۔ انہوںنے کہاکہ دعاء ہے کہ اللہ کریم زخمیوں کو جلد صحت عطاء فرمائے۔
