اسلام آباد (این این آئی)جمعیت علماء اسلام کے مرکزی سیکرٹری جنرل سینیٹر مولانا عبدالغفورحیدری نے مستونگ میں دھماکے کی شدید مذمت کرتے ہوئے کہا ہے کہ مستونگ کو دہشتگردوں کا ٹارگٹ ہے۔ اپنے بیان میں مولانا عبد الغفور حیدری نے کہاکہ مستونگ کو دہشتگردوں کا ٹارگٹ ہے۔ مولانا عبد الغفور حیدری نے کہاکہ عید میلادالنبی ۖکے جلسے میں دھماکہ سے جانی نقصان پر افسوس ہے۔انہوںنے کہاکہ جمعیت علماء اسلام کے کارکن زخمیوں کو خون دینے کیلئے نواب غوث بخش ہسپتال پہنچیں۔انہوںنے کہاکہ شہداء کی بلندی درجات کیلئے دعاگو ہے ۔ انہوںنے کہاکہ حکومت بلوچستان شرپسند عناصر کو گرفتار کرکے کیفر کردار تک پہنچائے۔دریں اثناء ترجمان جے یو آئی اسلم غوری نے کہاکہ سفاکیت کی انتہاء ہے۔انہوںنے کہاکہ ایسے لوگ انسان کہلانے کے لائق نہیں ،وحشی درندے ہیں۔اسلم غوری نے کہاکہ ہمارے لئے اسوہ حسنہ نبی کریم کی ذات بابرکت ہے جنہوں نے انسانیت کی تعظیم کا درس دیا۔اسلم غوری نے کہاکہ ایسے درندوں کو فوری گرفتار کرکے عبرتناک سزا دی جائے۔انہوںنے کہاکہ زخمیوں کو فوری طبی سہولت فراہم کی جائے ،اللہ پاک ان کو صحت دے،اللہ پاک شہداء کی قربانی کو قبول فرمائے۔لواحقین کے دکھ میں برابر کے شریک ہیں۔
