صادق سنجرانی سے چینی سفیر کی ملاقات ، سی پیک منصوبوں بارے گفتگو

0
1455

اسلام آباد (این این آئی)چیئر مین سینٹ صادق سنجرانی نے کہا ہے کہ سی پیک علاقائی ترقی کی مشترکہ وژن کا نتیجہ ہے ۔چیئرمین سینیٹ محمد صادق سنجرانی سے پاکستان میں چین کے سفیر نونگ رونگ نے ملاقات کی جس میں دوطرفہ تعلقات اور باہمی دلچسپی کے امور پر تبادلہ کیا گیا ۔ چیئر مین سینٹ نے کہاکہ دونوں ملکوں کے دوستانہ تعلقات خطے کی معاشی اور سماجی ترقی کی نئی سمت متعین کر رہے ہیں۔ انہوںنے کہاکہ پاکستان چین کے ساتھ اپنی لازوال اور درینہ دوستی پر فخر کرتا ہے۔ انہوںنے کہاکہ پارلیمانی وفود کے تبادلوں سے باہمی سیاسی، سماجی اور معاشی تعلقات میں مزید اضافہ ہوا ہے۔انہوںنے کہاکہ پارلیمانی سفارتکاری اہم دوطرفہ روابط کو مضبوط بنانے میں موثر کردار ادا کرتی ہے۔انہوںنے کہاکہ دونوں ملکوں کے مابین ادارہ جاتی معاونت کو مزید فروغ دینے کی ضرورت ہے۔انہوںنے کہاکہ عوامی روابط کے فروغ سے معاشی شراکت داری مزید مضبوط ہوگی۔انہوںنے کہاکہ سی پیک علاقائی ترقی کی مشترکہ وژن کا نتیجہ ہے۔ انہوںنے کہاکہ سی پیک نہ صرف خطے بلکہ علاقائی خوشحالی اور تعمیر و ترقی کی نوید لیکر آئے گا، چین کے سفیر نونگ رونگ نے مشترکہ ترقی اور مربوط روابط سے متعلق چیئرمین سینیٹ کے خیالات کو سراہا۔ چینی سفیر نے کہاکہ پاکستان چین کیلئے انتہائی اہم ملک ہے اورعلاقی ترقی کے لئے ہماری جدوجہد مشترکہ ہے۔انہوںنے کہاکہ دونوں ملکوں کا ترقی و خوشحالی کے وڑن اور سی پیک کے منصوبے سے یہ خطہ بین الاقوامی تجارت کا مرکز ثابت ہو گا۔