پشاور(این این آئی)مسلم لیگ (ن)کے صوبائی صدر امیر مقام نے کہا ہے کہ جب سے نواز شریف کو جعلی مقدمات میں نا اہل کیا گیا تب سے ملک بحرانوں کا شکار ہے۔کینٹ ریلوے سٹیشن پر میڈیا سے گفتگو کرتے ہوئے ن لیگی رہنما امیر مقام نے کہا کہ خیبر سے کراچی تک لوگوں کا یہ جذبہ آپ دیکھ رہے ہیں، نواز شریف نے ہمیشہ پاکستان کو بحرانوں سے نکالا، 2013 میں نواز شریف کی جب حکومت آئی تو پاکستان میں امن اور خوشحالی آئی، موٹرویز بنیں۔امیر مقام نے کہا کہ عوام نے خود ساختہ اور جعلی لیڈرز کو دیکھ لیا، اب نواز شریف کو دیکھیں گے، کارکنوں کی محبت ایسی ہے کہ لاہور جانے کیلئے گاڑیاں نہیں مل رہیں۔
