لاہور(این این آئی)چیئرمین سینیٹ محمد صادق سنجرانی پی ٹی آئی کے پارلیمانی لیڈر سینیٹر علی ظفر کے والد معروف قانْون دان و سابق سینیٹر ایس ایم ظفر کے انتقال پر اظہار تعزیت کے لئے لاہور میں واقع اْنکی رہائش گاہ پہنچے۔چیئرمین سینیٹ نے سینیٹر علی ظفر سے دلی تعزیت کا اظہار کرتے ہوئے مرحوم کیلئے مغفرت کی دعا کی۔ چیئرمین سینیٹ نے کچھ وقت سینیٹر علی ظفر کے ساتھ گزارا۔چیئرمین سینیٹ نے کہا کہ ایس ایم ظفر غیر معمولی قانون دان اور انتہائی نفیس انسان تھے،ایس ایم ظفر کا انتقال پاکستانی سیاست اور پارلیمنٹ کا نقصان ہے۔ انہوںنے کہاکہ اہلخانہ کیلئے یہ بہت بڑا صدمہ ہے۔ اللہ تبارک تعالیٰ ان کو یہ صدمہ برداشت کرنے کی ہمت عطا کرے۔اس موقع پر سینیٹرمحمد عبدالقادر بھی چیئرمین سینیٹ کے ہمراہ موجود تھے۔
