سیالکوٹ(این این آئی)معاون خصوصی شہباز گل نے کہا ہے کہ وزیراعظم ہر اس گلے میں پھندا ڈالیں گے جس نے قوم کا پیسہ کھایا ہے ۔ صنعت کاروں کو 100 سے 150 ارب کا ریفنڈ تاریخی اقدام ہے، پریس کانفرنس کرتے ہوئے انہو ں نے کہا کہ فیصل آباد میں صنعتوں کا پہیہ چل پڑا، ماضی میں فیصل آباد پر توجہ نہیں دی گئی،وزیراعظم عوام کو روزگار کی فراہمی کیلئے کوشاں ہیں۔ حکومت معاشی ترقی میں تاجر برادری کے کردار کی معترف ہے، حکومت نے برآمدات میں اضافے کیلئے خصوصی پیکج دیئے، ماضی میں مہنگے معاہدوں کی وجہ سے صنعتوں کو مہنگی بجلی دی جا رہی ہے، پاکستان کی معاشی ترقی میں سیالکوٹ کا اہم کردار ہے، روزگار ملے گا تو معیشت چلے گی، ملک کی آبادی کا بڑا حصہ نوجوانوں پر مشتمل ہے۔انہو ں نے کہا کہ ٹیکسٹائل کو اوپر اٹھانے کیلئے مشکل فیصلے کرنے پڑے، زرمبادلہ کے ذخائر 20 ارب تک پہنچ گئے۔ انہوں نے کہا کہ دسمبر 2021 تک پنجاب کے تمام لوگوں کو ہیلتھ انشورنس ملے گی، (ن) لیگ کو ہیلتھ انشورنس کی ضرورت ہے کیونکہ وہ بیمار رہتے ہیں۔
