عمان(این این آئی)اردن کی فضائیہ نے اپنے جنگی طیاروں کے ذریعے غزہ کے زیر محاصرہ ہسپتالوں میں طبی ضرورتوں سے متعلق سامان ڈراپ یا ہے۔ اس طبی سامان میں ادویات اور طبی آلات وغیرہ شامل تھے۔غیرملکی خبررساں ادارے کے مطابق اردن کے شاہ عبداللہ دوم نے یہ بات پیر کے روز صبح سویرے کہی ، شاہ عبداللہ نے اپنے ٹویٹر اکانٹ سے بتایا ہے ‘ ہماری بے خوف فضائیہ نے نصف شب کو فوری طبی امداد ڈراپ کی ، یہ طبی ضرورتوں کا سامان غزہ میں اردن کے ڈاکٹروں کے قائم کردہ فیلڈ ہسپتال میں ڈراپ کیا گیا ہے۔شاہ نے مزید کہاکہ یہ ہمارا فرض ہے کہ ہم اپنے زخمی بھائیوں اور بہنوں کی مدد کریں۔ ہم اپنے فلسطینی بھائیوں کی مدد کے لیے ہمیشہ موجود رہیں گے۔
