اسلام آباد (این این آئی)نگراں وزیر داخلہ سرفراز احمد بگٹی نے کہا ہے کہ حکومت عام انتخابات کے لیے پرامن ماحول فراہم کرنے کے لیے تمام ضروری اقدامات کرے گی،پاکستان کو دہشت گردی کے چیلنجز کا سامنا ہے،ہمارے سیکیورٹی ادارے دہشت گردی کا صفایا کرنے کی کوشش کر رہے ہیں۔ایک انٹرویومیں انہوں نے کہا کہ ہم اگلے انتخابات کے پرامن ماحول میں انعقاد کے لیے الیکشن کمیشن آف پاکستان (ای سی پی)کو سیکیورٹی فراہم کریں گے۔ انہوں نے کہا کہ پاکستان کو دہشت گردی کے چیلنجز کا سامنا ہے،ہمارے سیکیورٹی ادارے دہشت گردی کا صفایا کرنے کی کوشش کر رہے ہیں۔پی ٹی آئی چیئرمین کی سیکیورٹی کے حوالے سے پوچھے گئے سوال کے جواب میں انہوں نے کہا کہ پی ٹی آئی سربراہ جیل اور کمرہ عدالت میں سیکیورٹی کے خصوصی انتظامات سے لطف اندوز ہو رہے ہیں۔
