پاک فوج کے زیر اہتمام پورے شمالی وزیرستان میں منشیات سے متعلق آگاہی مہم چلائی گئی

0
415

شمالی وزیرستان (این این آئی)پاک فوج کے زیر اہتمام پورے شمالی وزیرستان میں منشیات سے متعلق آگاہی مہم چلائی گئی،مہم کا مقصد نوجوانوں کو منشیات کے متعلق شعور دلانا اور اس کے تاحیات نقصانات سے آگاہ کرنا تھا۔تفصیلات کے مطابق شمالی وزیرستان کے مختلف علاقوں میں نشے کے منفی اثرات کو اجاگر کرنے کے لیے ریلیاں نکالی گئیں۔اس موقع پر پاک فوج، سول انتظامیہ اور مقامی افراد کے علاوہ ملکان، مشران، علما اور طلبا نے کثیر تعداد میں شرکت کی۔منشیات سے متعلق آگاہی مہم کے دوران نوجوانوں کو منشیات کے متعلق معلوماتی ویڈیوز دکھائی گئی۔فوٹیج نیٹ۔کھیلوں کی اہمیت اجاگر کرنے اور نوجوانوں کو کھیلوں کی طرف راغب کرنے کے لیے کرکٹ میچ کا انعقاد کیا گیا۔ اس موقع پر ملک مشران اور مقامی افراد نے پاک فوج کے منشیات کے خلاف مثبت اقدام کی بھرپور حوصلہ افزائی کی اور کہا کہ ایسی شعور اجاگر کرنے والی تحریکوں کے شمالی وزیرستان میں مثبت اور دیر پا اثرات مرتب ہوں گے۔