اسلام آباد(این این آئی)عالمی بینک نے پاکستان کو درپیش 6 بڑے مسائل کی نشاندہی کردی۔میڈیا رپورٹ کے مطابق عالمی بینک نے پاکستان کے روشن مستقبل کیلئے ممکنہ اصلاحات پر مبنی رپورٹ جاری کردی جس میں کہا گیا کہ پاکستان کو ہیومن کیپیٹل کے بحران کا سامنا ہے اسی لیے دستیاب انسانی وسائل کا کم استعمال پیداوار اور ترقی کو متاثر کر رہا ہے۔عالمی بینک کی رپورٹ میں کہا گیا کہ پاکستان میں 5 سال سے کم عمر 40 فیصد بچے اسٹنٹنگ کا شکار ہیں، پاکستان میں دنیا میں سب سے زیادہ 2 کروڑ سے زیادہ بچے اسکول سے باہر ہیں ،10 سال سے کم عمر کے 79 فیصد بچے پڑھنے کی صلاحیت سے محروم ہیں۔عالمی بینک کے مطابق پاکستان کو بلند مالی خسارے کا سامنا ہے، مالی سال2022 کے اختتام تک مالی خسارہ 22 سال کی بلند ترین شرح 7.9 فیصد تک پہنچ گیا، پاکستان کے ذمہ قرضہ مقررہ قانونی حد سے زیادہ 78 فیصد کی بلند شرح پر ریکارڈ کیا گیا ہے۔عالمی بینک کی رپورٹ میں کہا گیا کہ پالیسیوں میں عدم تسلسل کی وجہ سے سرمایہ کاری اور برآمدات کا فقدان ہے، پاکستان کا زرعی شعبہ غیرپیداواری اور جمود کا شکار ہے، پاکستان میں زرعی شعبے کا جی ڈی پی میں حصہ 23 فیصد ہے اور پاکستان میں زرعی شعبہ 40 فیصد لیبر فورس کو روزگار فراہم کرتا ہے۔عالمی بینک کی رپورٹ کے مطابق پاکستان میں توانائی کا شعبہ ناقابل انحصار اور معیشت پر بھاری ہے، پاکستان میں توانائی شعبے میں گردشی قرضہ مالی مشکلات پیدا کر رہا ہے جب کہ پاکستان کا سرکاری شعبہ غیر مثر ہے، پاکستان میں پالیسی فیصلوں کا محور ذاتی مفادات ہیں۔
مقبول خبریں
ایران کا اسرائیل پر میزائل حملہ، پاکستان ائیرٹریفک کنٹرول کو نئی ہدایات جاری
کراچی (این این آئی)ایران کے اسرائیل پر میزائل حملے کے بعد پاکستان ائیرٹریفک کنٹرول کو نئی ہدایات جاری کردی گئیں۔سول ایوی ایشن (سی اے...
لاہورہائیکورٹ ، پریکٹس اینڈ پروسیجر آرڈیننس کیخلاف درخواستیں یکجا کر کے پیش کرنے کا...
لاہور(این این آئی) لاہور ہائیکورٹ نے پریکٹس اینڈ پروسیجر آرڈیننس 2024 کیخلاف دونوں درخواستیں یکجا کر کے پیش کرنے کا حکم دے دیا۔چیف جسٹس...
ایس سی او سربراہی اجلاس کیلئے فول پروف سیکیورٹی یقینی بنانے کی منظوری
اسلام آباد(این این آئی) شنگھائی تعاون تنظیم سربراہی اجلاس کے لیے فول پروف سیکیورٹی یقینی بنانے کے لیے لائحہ عمل کی منظوری دے دی...
پی ٹی آئی کو روکنا آئین، قانون، جمہوریت کیلئے ضروری ہےٕ، رانا ثناء اللہ
اسلام آباد(این این آئی)وزیرِ اعظم کے مشیر برائے سیاسی امور رانا ثناء اللہ نے کہا ہے کہ اعلیٰ عدالتوں میں جو کچھ ہو رہا...
ایران نے اسرائیل پر 400 سے زائد میزائل فائر کر دئیے
تل ابیب(این این آئی)ایران نے لبنان میں اپنی حمایت یافتہ تنظیم حزب اللہ کے خلاف اسرائیل کی جارحیت کا جواب دیتے ہوئے اسرائیل پر...