اسلام آباد(این این آئی)سابق وفاقی وزیر اور سینئر سیاستدان محمد علی درانی نے کہا ہے کہ عمران خان نے بیرسٹر علی گوہر خان کو چیئرمین پی ٹی آئی نامزد کرکے جماعت کو موروثی سیاست کی بیماری سے بچالیا ہے اور اپنے مدمقابل خاندانی آمریت کے علم بردار لیڈروں کو الیکشن سے پہلے شکست دے دی ہے، اس اقدام کے ذریعے عمران خان نے اصولوں پر قائم رہتے ہوئے مفاہمت کے تمام دروازے کھول دئیے ہیں۔ ملک میں نیشنل یونٹی گورنمنٹ کی تشکیل کا پلان دینے والے سابق وزیراطلاعات نے یہاں گفتگو کرتے ہوئے کہاکہ بیرسٹر علی گوہر خان اعلی تعلیم یافتہ، باوقار وباصلاحیت شخصیت اور مڈل کلاس سے تعلق رکھتے ہیں اور اچھی شہرت کے حامل قانون دان ہیں۔ محمد علی درانی نے کہا کہ پی ٹی آئی کے اندر تمام لیڈر ان کا احترام کرتے ہیں۔ اہل ترین فرد کو پارٹی چئیرمین کی ذمہ داری دے کر عمران خان نے جماعت کو سیاسی ادارہ بنانے کے عمل کا آغاز کردیا ہے۔ سابق سینیٹر نے کہاکہ عمران خان نے پارٹی عہدے سے دست بردار ہوکر خود کو عدالت کے سامنے احتساب کے لئے پیش کردیا ہے۔ ایسے میں پی ٹی آئی کے امیدواروں کو لیول پلئینگ فیلڈ دینا ملکی اداروں کی ذمہ داری ہے۔ بیرسٹر گوہر کو پی ٹی آئی چئیرمین نامزد ہونے پر مبارک دیتے ہوئے محمد علی درانی نے کہا کہ اصل مبارک کے مستحق عمران خان ہیں جنہوں نے اس فیصلے کے ذریعے موروثیت کے علمبردار سیاست دانوں کو کلین بولڈ کردیا ہے۔ موروثی سیاست 9 مئی کی طرح سنگین معاملہ ہے۔
مقبول خبریں
جماعت اسلامی کا غزہ کے مسلمانوں سے اظہار یکجہتی کیلئے ملین مارچ کا اعلان
اسلام آباد(این این آئی)امیر جماعت اسلامی حافظ نعیم الرحمٰن نے غزہ کے مسلمانوں سے اظہار یکجہتی کے لئے 7 اکتوبر کو ملک گیر ملین...
آئی جی اور چیف کمشنر بتائیں گے پارلیمنٹ کے اندر پولیس کیسے گئی؟ اسلام...
اسلام آباد(این این آئی)اسلام آباد ہائیکورٹ نے کہا ہے کہ آئی جی اور چیف کمشنر بتائیں گے پارلیمنٹ کے اندر پولیس کیسے گئی؟ممبر قومی...
بزرگ ماضی کا عکس، حال کی روشنی، مستقبل کیلئے سبق ہیں، مریم نواز
لاہور(این این آئی)وزیرِ اعلیٰ پنجاب مریم نواز نے بزرگ افراد کے عالمی دن پر خصوصی پیغام جاری کیا ہے۔مریم نواز نے اپنے پیغام میں...
پاکستان کے لوگ بہت محبت کرنے والے ہیں، ڈاکٹر ذاکر نائیک
اسلام آباد(این این آئی)معروف اسلامی اسکالر مبلغ ڈاکٹر ذاکر نائیک کا کہنا ہے کہ پاکستان کے لوگ بہت محبت کرنے والے ہیں۔اسپیکر قومی اسمبلی...
محسن نقوی کی مولانا فضل الرحمن سے ملاقات ، جے یوآئی کا امیرمنتخب ہونے...
اسلام آباد(این این آئی) وفاقی وزیرداخلہ محسن نقوی نے جمعیت علمائے اسلام کے سربراہ مولانا فضل الرحمان سے ملاقات کی اور جے یو آئی...