کیف(این این آئی)یوکرین سے جڑے خطرات کے بعد روسی صدر ولادیمیر پیوٹن نے فوجیوں کی تعداد میں 15 فیصد اضافے کے حکم نامے پر دستخط کر دیئے۔غیرملکی خبررساں ادارے کے مطابق اپنے بیان میں ولادیمیر پیوٹن نے کہا کہ روس کو خصوصی فوجی آپریشن اور نیٹو کی مسلسل توسیع سے خطرات لاحق ہیں۔ان کا مزید کہنا تھا کہ اس وجہ سے روسی فوج کی طاقت میں اضافہ کیا جارہا ہے۔روس کے حاضر سروس فوجیوں کی تعداد میں تقریبا ایک لاکھ 70 ہزار افراد کا اضافہ ہو گا۔
