واشنگٹن(این این آئی)ابھی یہ کہنا جلدی ہو گا کہ اسرائیل غزہ کی جنگ میں شہریوں کے تحفظ کے لئے امریکی مطالبے کے مطابق کام ہو رہا ہے، تاہم تھوڑی بہتری ضرور دیکھ رہے ہیں۔ امریکہ کو اندازہ ہے کہ ابھی شہریوں کی ہلاکتیں ہوں گی کیونکہ جنگوں میں ایسا ہوتا ہے۔غیرملکی خبررساں ادارے کے مطابق اس امر کا اظہار امریکی ترجمان نے اس وقت کیا جب اطلاع ملی کہ اسرائیلی فوج نے ایک ہزار مقامات کو جنوبی غزہ میں نشانہ بنایا ہے۔پریس بریفنگ کے دوران امریکی دفتر خارجہ کے ترجمان میتھیو ملر کا کہناتھا کہ امریکہ نے جنوبی غزہ میں کارروائیوں کے حوالے سے کچھ ایسے پہلو دیکھے ہیں جو اس سے پہلے شمالی غزہ میں نہیں دیکھے تھے ۔ ان کا کہنا تھا ایک پورے شہر کو خالی کرانے کے مقابلے میں مخصوص حصوں کو ہدف بنا کر خالی کرانا اسرائیل کے لیے اچھا تھا۔میتھیو ملر نے مزید کہاکہ ہمارا مطلب ہے کہ ہم شمالی غزہ میں جو کچھ دیکھ چکے ہیں وہ جنوبی غزہ میں نہیں دیکھنا چاہتے۔ جیسا کہ شمالی غزہ سے وسیع پیمانے پر نقل مکانی کرائی گئی تھی۔ملر نے کہاکہ ابھی تک واشنگٹن نے نہیں دیکھا کہ اسرائیل جان بوجھ کر غزہ کے شہریوں کو قتل کر رہا ہے۔ تاہم امریکہ سمجھتا ہے کہ ابھی شہریوں کی ہلاکتیں ہوں گی کیونکہ جنگوں میں یہ ہوتا ہے۔
