واشنگٹن (این این آئی)ایک اعلیٰ امریکی فوجی عہدیدارنے تصدیق کی ہے کہ اسرائیل اور حماس کے درمیان عارضی جنگ بندی کے خاتمے کے بعد سے فلسطینی شہریوں کے جانی نقصان سے بچنے کے لیے مسلسل امریکی دبائو کے باوجود غزہ کی پٹی پر اسرائیلی حملے رکے نہیں ہیں۔اسرائیلی فوج مسلسل عام شہریوں کو حملوں کا نشانہ بنا رہی ہے جس کے نتیجے میں عام شہریوں کی اموات ہو رہی ہیں۔غیرملکی خبررساں ادارے سے بات چیت میں ایک اعلی امریکی فوجی اہلکار نے تصدیق کی کہ وہ اسرائیل کی نئی مہم کی وحشت سے حیران ہیں۔انہوں نے وضاحت کی کہ گذشتہ دنوں فلسطینی غزہ کی پٹی کے مختلف علاقوں پر اسرائیلی حملوں کی تجدید نے انہیں حیران کر دیا۔
