اسلام آباد (این این آئی)سیکرٹری اطلاعات پیپلزپارٹی فیصل کریم کنڈی نے کہا ہے کہ عوام کی عدالت کے فیصلے سے خوفزدہ لوگ انتخابات نہیں چاہتے ۔ اپنے بیان میںفیصل کریم کنڈی نے کہا کہ خیبرپختونخوا میں مولانا کی حکومت ہے پتہ نہیں کون سا سازگار ماحول چاہتے ہیں ،پیپلزپارٹی نے محترمہ بینظیر بھٹو شہید کے باوجود انتخابات ملتوی کرنے کی مخالفت کی تھی۔انہوںنے کہاکہ 2013اور 2018 کے انتخابات میں پیپلزپارٹی نے دہشت گردوں اور ان کے حامیوں کا مقابلہ کیا ۔فیصل کریم کنڈی نے کہاکہ پیپلزپارٹی نے 2008 ، 2013اور 2018 میں بارودی سرنگوں پر چل کر انتخابی مہم چلائی ۔ انہوںنے کہاکہ ملک سنگین مشکلات کا شکار ہے مشکلات سے نکلنے کا واحد راستہ انتخابات ہیں ۔ فیصل کریم کنڈی نے کہاکہ قوم کو یقین ہے چیف جسٹس عام انتخابات کے عمل کو یقینی بنائیں گے ۔ فیصل کریم کنڈی نے کہا کہ پیپلزپارٹی کے مخالفین بلاول بھٹو زرداری کی مقبولیت سے پریشان ہیں
