راولپنڈی (این این آئی)عوامی مسلم لیگ کے سربراہ، سابق وزیرِ داخلہ شیخ رشید احمد نے کہا ہے کہ اداروں کا احترام سب پر لازم ہے، میں نے چلے کے بعد کوئی ٹوئٹ بھی نہیں کیا۔شیخ رشید احمد نے میڈیا سے گفتگو کے دوران کہا کہ اگست 2023 میں پنجاب حکومت نے بتایا تھا کہ میرے خلاف کوئی کیس نہیں،اب میرے خلاف عدالت میں 10 مقدمات کی تفصیل جمع کرائی گئی ہے۔شیخ رشید نے کہا کہ میری حلقہ 56 اور 57 کی چھوٹی سی سیاست ہے، بچپن سے یہ سوچ ہے کہ سب کو ساتھ لے کر چلنا ہے۔انہوں نے کہا کہ الیکشن نہیں ہوئے تو پرانی تنخواہ پر ہی کام کریں گے۔شیخ رشید احمد نے کہا کہ الیکشن کمشنر کے بیان پر یقین کرنا چاہیے، انہوں نے کہا ہے کہ الیکشن 8 فروری کو ہوں گے۔
