بیجنگ(این این آئی)چینی صدر شی جن پھنگ نے بیجنگ میں مکا خصوصی انتظامی علاقے کے چیف ایگزیکٹو حہ ای چھنگ سے ملاقات کی اور ان سے مکا کی موجودہ صورتحال اور مکاخصوصی انتظامی علاقے کے حکومتی امور پر ایک رپورٹ سنی۔شی جن پھنگ نے کہا کہ گزشتہ ایک سال کے دوران چیف ایگزیکٹو حہ ای چھنگ نے خصوصی انتظامی علاقے کی حکومت کی قیادت کرتے ہوئے عملی اور امید افزا کارگردگی کا مظاہرہ کیا ، مکاو کے قومی سلامتی کے تحفظ کے قانون میں ترمیم کومکمل کیا ، ہینگ چھن میں گوانگ ڈونگ- مکاو ڈیپ کوآپریشن زون کی تعمیر کو فروغ دیا، اور بیرونی تبادلے اور تعاون کو بڑھانا جاری رکھا۔صدر شی نے کہا کہ مکا کی معیشت تیزی سے بحال ہوئی ہے اور معاشرے میں ہم آہنگی اور استحکام برقرار ہے۔ مرکزی حکومت چیف ایگزیکٹو اور مکا خصوصی انتظامی علاقے کی حکومتی امور کی مکمل تصدیق کرتی ہے۔شی جن پھنگ نے اس بات پر زور دیا کہ مرکزی حکومت ہمیشہ کی طرحایک ملک، دو نظام” کی پالیسی کو جامع، درست اور غیر متزلزل طور پر نافذ کرتی رہے گی،مکا پر محب وطن حکمرانی کے اصول کو مکمل طور پر نافذ کرے گی، ملک کی ترقی سے بھرپور فائدہ اٹھانے میں مکا کی مکمل حمایت کرے گی اور نئے ترقیاتی نتائج کے ساتھ مادر وطن کی آغوش میں مکا کی واپسی کی 25 ویں سالگرہ منانے کی حمایت بھی کرے گی۔
