کراچی ( این این آئی)صدر مملکت ڈاکٹر عارف علوی کی جانب سے معروف کاروباری اور سماجی شخصیت عاطف اقبال کو ماحولیاتی تبدیلی کیلئے کام کرنے پر خصوصی ایوارڈ سے نوازا گیا ۔ صدر عارف علوی نے عاطف اقبال کی خدمات کی تعریف کی اور انہیں کاروباری برادری کیلئے ایک مثال قرار دیا ۔ مزیدبراں عاطف اقبال نے کہا کہ ماحولیاتی بہتری کے لئے ہمیں انفرادی اور اجتماعی طو رپر کاوشیں کرنی ہیںکیونکہ ہم نے اپنی آنے والی نسلوں کو محفوظ بنانا ہے ۔ صنعتکار اپنی انڈسٹری اور کاروبار کو اس طرزپر چلائیں کہ وہ ماحول دوست ہوں ، اس اقدام سے نہ صرف پاکستان کا اپنا فائدہ ہے بلکہ دنیا میں بھی پاکستان کی نیک نامی میں اضافہ ہوگا۔
