اسلام آباد (این این آئی)پاکستان تحریکِ انصاف کے چیئرمین بیرسٹر گوہر نے کہا ہے کہ الیکشن میں رکاوٹ دور کرنے کے لیے سپریم کورٹ اپنا کردار ادا کرے۔پاکستان تحریکِ انصاف کے چیئرمین بیرسٹر گوہر نے میڈیا سے گفتگو کرتے ہوئے کہا کہ ہم نے پشاور ہائی کورٹ میں درخواست دی تھی کہ بلے کا نشان بحال کیا جائے، 2 تاریخ کو اٹارنی جنرل نے کہا کہ میں عدالت میں نہیں تھا۔انہوںنے کہاکہ ہم نے درخواست سپریم کورٹ میں دائر کی، نمبر الاٹ ہو چکا، عدالت سے درخواست کی ہے کہ سماعت کریں۔بیرسٹر گوہر نے کہا کہ اگر لوگ آزاد حیثیت سے لڑکر الیکشن جیتیں گے تو ہار سسٹم کی ہو گی، سب کو لیول پلیئنگ فیلڈ دیں، اسی وجہ سے جدوجہد کر رہے ہیں۔انہوں نے کہا کہ پشاور ہائی کورٹ نے حکم دیا تھا کہ ہمارا نشان واپس کیا جائے، پھر الیکشن کمیشن نے درخواست دی کہ یہ ریلیف واپس لیا جائے، کل الیکشن کمیشن کی استدعا منظور ہوئی تو اسے چیلنج کیا ہے۔چیئرمین پی ٹی آئی نے کہا کہ نشان کے بغیر انتخابات سے خصوصی نشستوں کا کیا ہو گا؟ بلے کے نشان کے لیے درخواست سپریم کورٹ میں جمع کرائی ہے۔انہوںنے کہاکہ مخصوص نشستوں سے محرومی سے ہارس ٹریڈنگ کو فروغ ملے گا، مضبوط ریاست کو فروغ دینے کے لیے شفاف انتخابات اہم ہیں۔بیرسٹر گوہر نے کہا کہ ہمیں سب سے زیادہ چیلنجز کا سامنا ہے، بلے کا نشان کسی کو الاٹ ہو چکا تو دوسری پارٹی کو دوبارہ نہیں مل سکتا۔انہوں نے کہا کہ ہماری کوشش ہے کہ ہمیں بلے کا نشان واپس مل جائے، سپریم کورٹ سے استدعا ہے کہ ہماری درخواست کی جلد سماعت کریں۔چیئرمین تحریکِ انصاف نے کہا کہ ہماری پہلی کوشش ہے کہ بلے کا نشان واپس مل جائے، ہم ایک ہی انتخابی نشان واپس مانگ رہے ہیں لوگ کنفیوڑ نہیں ہونے چاہئیں، جتنے کاغذات مسترد کیے گئے وہ عدالت کے پاس جانے سے بحال ہو جائیں گے۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...