اسلام آباد (این این آئی)نگران وفاقی وزیر اطلاعات، نشریات و پارلیمانی امور مرتضیٰ سولنگی نے کہا ہے کہ کشمیری عوام اقوام متحدہ کی سلامتی کونسل کی قراردادوں کے مطابق تنازعہ کشمیر کے پرامن حل کے منتظر ہیں، اقوام متحدہ کی سلامتی کونسل اپنے وعدے پورے کرے، پاکستان کشمیری عوام کی جائز حق ملنے اور جدوجہد آزادی کی کامیابی تک سیاسی، سفارتی اور اخلاقی حمایت جاری رکھے گا۔ جمعہ کو یوم حق خود ارادیت کشمیر کے موقع پر اپنے پیغام میں وفاقی وزیر اطلاعات نے کہا کہ کنٹرول لائن کے دونوں جانب اور دنیا بھر میں کشمیری عوام آج یوم حق خودارادیت منا رہے ہیں، اقوام متحدہ کی سلامتی کونسل نے 5 جنوری 1949 کو آج ہی کے دن قرارداد کے ذریعے کشمیری عوام کو یہ حق دیا تھا کہ وہ اپنی مرضی کے مطابق اپنے مستقبل کا فیصلہ کرسکتے ہیں،آج کشمیری عوام کے ساتھ کئے گئے اس وعدے کو 75 برس گزر گئے لیکن افسوس کہ یہ وعدہ آج تک پورا نہیں ہو سکا۔ مرتضیٰ سولنگی نے کہا کہ اقوام متحدہ کو کشمیری عوام سے کئے گئے وعدوں کا احترام کرتے ہوئے ان کے حق خودارادیت کی جدوجہد کی حمایت کرنی چاہیے۔ انہوں نے کہا کہ جموں و کشمیر کے لوگ اقوام متحدہ کی سلامتی کونسل کی قراردادوں کے مطابق تنازعہ کشمیر کے پرامن حل کے منتظر ہیں۔ اقوام متحدہ کی سلامتی کونسل اپنے وعدے پورے کرے۔ وفاقی وزیر اطلاعات نے کہا کہ بھارت اپنے غیر قانونی زیر تسلط جموں وکشمیر پر اپنا قبضہ مضبوط کرنے کی کوشش کر رہا ہے، متنازعہ علاقے کی حیثیت کے بارے میں 11 دسمبر 2023ئ کا بھارتی سپریم کورٹ کا فیصلہ اس سمت میں تازہ ترین قدم ہے۔ انہوں نے کہا کہ بھارت اپنے غیر قانونی زیر تسلط جموں و کشمیر کی حد بندی مذہب کی بنیاد پر تبدیل کرنے میں کوئی کسر نہیں چھوڑ رہا۔ انہوں نے کہا کہ آج کے دن ہم اس عزم کا اعادہ کرتے ہیں کہ پاکستان کشمیریوں کو جائز حق ملنے اور جدوجہد آزادی کی کامیابی تک ان کی سیاسی، سفارتی اور اخلاقی حمایت جاری رکھے گا۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...