ریاض(این این آئی )سعودی عرب کی وزارت خارجہ نے کہاہے کہ بین الاقوامی قوانین کی خلاف ورزی کرنے پر اسرائیل کو جوابدہ ٹھہرانے کے لیے عالمی برادری کی کوششوں کی مجتمع کیا جانا ضروری ہے۔غیرملکی کبررساں ادارے کے مطابق ایک بیان میںوزارت خارجہ نے اسرائیل کی قابض حکومت کے دو وزرا کے انتہا پسندانہ بیانات پر مملکت کی مذمت اور دو ٹوک رد عمل کا اظہار بھی کیا، جنہوں نے غزہ کے باشندوں کی نقل مکانی، غزہ کی پٹی پر دوبارہ قبضے اور بستیوں کی تعمیر کا مطالبہ کیا تھا۔وزارت خارجہ نے ایک بیان میں کہا کہ مملکت اپنے بیانات اور اقدامات کے ذریعے بین الاقوامی قوانین اور انسانی حقوق کی مسلسل خلاف ورزیوں کے خلاف عالمی احتسابی میکانزم کو فعال کرنے کے لیے عالمی برادری کی مشترکہ کوششوں کی اہمیت پر زور دیتی ہے۔
