کراچی(این این آئی)8فروری کو الیکشن کے انعقاد کے پیش نظر حکومت سندھ نے 45 روز کے لیے صوبے بھر میں میں اسلحے کی نمائش پر پابندی عائد کردی ہے۔سندھ حکومت کی جانب سے جاری کردہ اعلامیے کے مطابق دفعہ 144 کا نفاذ آئی جی سندھ کی جانب سے موصول خط پر کیا گیا ہے۔اعلامیے میں کہا گیا ہے کہ شیڈول کے مطابق الیکشن کے انعقاد کا عمل جاری ہے، پابندی کی سفارش کسی قسم کے ناخوشگوار واقعے سے بچنے کیلیے کی گئی ہے۔اعلامیے کے مطابق رجسٹرڈ پرائیویٹ سیکیورٹی گارڈزکو دوران ڈیوٹی ہتھیار لے جانے کی اجازت ہوگی جبکہ دوران سفر گاڑی میں اسلحہ لہرانے پر بھی پابندی ہوگی۔احکامات کی خلاف ورزی پر متعلقہ ایس ایچ او کو کارروائی کا اختیار ہوگا۔
