اسلام آباد(این این آئی)حکومت نے وفاقی وزراء اور سرکاری افسران کے غیر ملکی دورے منسوخ کردئیے۔ذرائع کے مطابق نگران وزیراعظم نے وفاقی وزرا اورسرکاری افسران کے غیر ملکی دورے منسوخ کرنے کی منظوری دے دی ہے جس کے تحت انتخابات اورنئی حکومت کی تشکیل تک کوئی بھی غیر ملکی دورہ نہیں کریگا۔ذرائع نے بتایاکہ نگران وزرائ، افسران اور خودمختار اداروں کے حکام کے اجازت نامے بھی منسوخ کیے گئے، نگران کابینہ ارکان، سرکاری افسران اور حکام نجی غیر ملکی دورہ بھی نہیں کر سکتے۔
