بیجنگ (این این آئی)چینی حکام نے امریکی میڈیا کے لئے کام کرنے والی ایک خاتون صحافی کو قومی سلامتی کو خطرے میں ڈالنے کے الزام پر حراست میں لے لیا۔امریکی میڈیا کے مطابق چینی شہری ہیزی فین کو ان کے گھر سے سادہ کپڑے پہنے سیکیورٹی اہلکاروں نے حراست میں لیا۔چین کی وزارت خارجہ نے بتایا کہ بیجنگ نیشنل سیکیورٹی بیورو نیچین کے قومی سلامتی کو خطرے میں ڈالنے والی مجرمانہ سرگرمیوں میں ملوث ہونے کے شبہے میں چینی شہری فین کیخلاف لازمی اقدامات اٹھائے گئے اور فی الحال تفتیش اور قانونی کارروائی کی جارہی ہے۔امریکی میڈیا ادارے کا کہنا تھا کہ وہ اپنی خاتون اسٹاف کے لئے فکرمند ہیں اورمزید معلومات حاصل کرنا جاری رکھے ہوئے ہیں۔
