اسلام آباد (این این آئی)استحکام پاکستان پارٹی کے رہنما عون چوہدری نے کہا ہے کہ پی ٹی آئی نے یہی بنا لیا ہے کہ جہاں وہ ہارگئے وہاں دھاندلی ہوئی، اگر کوئی کالے کوٹ کی عزت پامال کرے تو یہ قابل قبول نہیں، سب کو قانون کے دائرے میں رہنا چاہیے،پاکستان کے مستقبل کے لیے سب کو مل کر فیصلے کرنے چاہئیں، ابھی گھر کے بھیدی نے لنکا نہیں ڈھائی۔پریس کانفرنس کرتے ہوئے عون چوہدری نے کہا کہ 9 فروری کو این اے 128 سے ان کی کامیابی کا نوٹی فکیشن جاری ہوا، مخالف امیدوار سلمان اکرم راجہ کے لوگوں نے میونسپل کارپوریشن ملازمین پر تشدد کیا، انہیں اغواء کیا گیا، عون چوہدری نے چند تصاویر دکھاتے ہوئے کہا کہ وکلاء برادری کی بہت عزت کرتا ہوں لیکن اگر کوئی کالے کوٹ کی عزت پامال کرے تو یہ قابل قبول نہیں، سب کو قانون کے دائرے میں رہنا چاہیے۔عون چوہدری نے کہا کہ 8 اور 9 فروری کی شب کو 50 سے 60 افراد کے ہمراہ آر او دفتر پر حملہ کیا گیا اور اْن پر مرضی کے مطابق رزلٹ بنانے کے لیے دباؤ ڈالا گیا، یہ کس حیثیت سے آر او آفس گئے؟ جہاں باقاعدہ لڑائی، جھگڑے کا ماحول بنایا گیا، سلمان اکرم راجہ کے لوگوں نے آر او دفتر میں ہوائی فائرنگ کی،جن لوگوں نے حملہ کیا ان کے خلاف درخواست دی ہے، سلمان اکرم راجہ نے ہائیکورٹ سے رجوع کرکے میری کامیابی پر حکم امتناعی لیا، الیکشن کمیشن جو فیصلہ کرے گا وہ ہمیں قابل قبول ہوگا۔انہوں نے کہا کہ 19 تاریخ کو ہمارے کیس کی سماعت ہے، پھر فیصلہ آئے گا، جو فارم 45 ہم دیں وہ غلط اور جو فارم یہ دیں وہ ٹھیک ہے؟ جس فارم پر یہ جیت رہے ہیں وہ ان کی نظر میں ٹھیک ہے، سلمان اکرم راجہ نے شرافت کا لبادہ اوڑھا ہوا ہے,عون چوہدری کا کہنا تھا کہ آپ نے اس ملک کے بچوں کو 9 مئی کی دہشت گردی میں استعمال کیا، 126 روز کے دھرنے میں آرگنائزر میں تھا، کیا اس دھرنے میں کوئی پیٹرول بم پھینکا گیا، ہم نے بنی گالہ میں بیٹھ کر 19 دن پر امن احتجاج کیا، جو اس دفعہ الیکشن میں ہارے ہیں وہ پچھلے انتخابات میں جیتے تھے۔عون چوہدری نے کہا کہ ہمارا نیشنل اور پنجاب اسمبلی میں بھرپور کردار ہوگا، میں کل پریس کانفرنس کرکیان کاایک اورکردارپیش کروں گا۔
مقبول خبریں
پاک چائنا تعلقات دنیا میں بے مثال،چین نے ہمیشہ پاکستان کا غیر مشروط ساتھ...
اسلام آباد (این این آئی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے کہا ہے کہ پاکستان اور چین کے...
محسن نقوی سے امریکی ادارہ برائے نارکوٹکس کے وفد کی ملاقات، باہمی دلچسپی کے...
اسلام آباد (این این آئی)وفاقی وزیر داخلہ وانسدا منشیات محسن نقوی سے امریکہ کی بیورو آف انٹرنیشنل نارکوٹکس اینڈ لا ء انفورسمنٹ افیرز( آئی...
ملکی سیاحت کی ترقی سے پاکستان کا عالمی سطح پر مثبت تشخص اجاگر ہوگا،سپیکر...
اسلام آبا د(این این آئی)اسپیکر قومی اسمبلی سردار ایاز صادق نے کہا ہے کہ سیاحت کا فروغ ملکی سماجی اور اقتصادی ترقی کے...
غیر ملکی سرمایہ کاروں کی سہولت کے لئے کلی معیشت کے استحکام کے ماحول...
اسلام آباد (این این آئی)وزیر اعظم محمد شہباز شریف نے ممتاز پاکستانی امریکن بینکرز کوملک میں انفراسٹرکچر، توانائی، ٹیکنالوجی، زراعت کے شعبوں میں...
وزیر اعلیٰ مریم نواز شریف کا مخدوش ،خستہ حال عمارتوں میں بنے سکول سیل...
لاہور( این این آئی) وزیر اعلیٰ پنجاب مریم نواز شریف نے مخدوش اور خستہ حال عمارتوں میں بنے سکول سیل کرنے کا حکم دیتے...