ممبئی(این این آئی)بالی وڈ سپر اسٹار رنبیر کپور نے زندگی میں کامیابی کیلئے انڈین بزنس آئیکون میکشن امبانی سے ملنے والی نصیحت لوگوں کو بتادی۔ اداکار کو ایک تقریب میں مہاراشٹرین آف دی ایئر کا ایوارڈ دیا گیا اور یہ ایوارڈ سینئر اداکار اور ان کے والد کے دوست جتیندر نے انہیں دیا۔اس موقع پر گفتگو کرتے ہوئے اداکار نے کہاکہ ان کی زندگی کا مقصد ایسے کام کرنا ہے جو معنویت سے بھرپور ہوں۔انہوں نے بتایاکہ مکیش امبانی نے ایک بار انہیں نصیحت دی اپنا سر نیچا رکھو اور کام کرتے رہو، کامیابی کو سر پر مت چڑھا اور ناکامی کو دل پر مت رکھو۔اداکار نے کہاکہ وہ ایک اچھے انسان بننا چاہتے ہیں،وہ ایک اچھے بیٹے، اچھے باپ، اچھے شوہر، بھائی اور دوست بننا چاہتے ہیں اور وہ ایک اچھا شہری بھی بننا چاہتے ہیں۔
