لاہور(این این آئی) پاکستان مسلم لیگ (ن )کے رہنما رانا ثنا اللہ نے کہا ہے کہ کمشنر راولپنڈی لیاقت علی چٹھہ بڑے عرصے سے میرے دوستوں میں شامل ہیں، ان کے ساتھ ذہنی مسئلہ کافی عرصے سے ہے۔ایک انٹرویومیں رانا ثنا اللہ نے کہا کہ لیاقت علی شاید ذہنی مسئلے پر ٹریٹمنٹ بھی لے رہے تھے، خودکشی کی کوشش کرنے والا ذہنی طور پر تندرست نہیں ہوتا۔انہوںنے کہاکہ 12 صوبائی اور 6 قومی اسمبلی کی سیٹوں کی طرف بعد میں جائیں، پہلے لیاقت علی کی ذہنی صحت کا تعین ہونا چاہیے۔رانا ثنا اللہ نے کہا کہ اگر کمشنر راولپنڈی لیاقت علی کی ذہنی صحت ٹھیک ہے تو بطور گواہ انہیں لایا جائے، دھاندلی کے الزامات کی تحقیقات ہر صورت میں ہونی چاہیے۔ن لیگی رہنما نے کہا کہ کمشنر راول پنڈی میرے ذاتی دوستوں میں شامل ہیں، اتنا بڑا کوئی معاملہ ہوتا تو شاید لیاقت علی چٹھہ مجھے ضرور بتاتے۔
