اسلام آباد (این این آئی) پاکستان مسلم لیگ (ن )کے رہنما طارق فضل چوہدری نے کہا ہے کہ ہماری اسلام آباد سے کامیابی کے نوٹیفکیشن معطل کروائے گئے اس حوالے سے اپنے ایک بیان میں طارق فضل چوہدری نے کہا کہ الیکشن کمیشن نے کل 3 سیٹوں کا فیصلہ کیا ہے، الیکشن کمیشن نے ہماری کامیابی کا نوٹیفکیشن جاری کردیا ہے۔(ن )لیگ کے رہنما نے کہا کہ جھوٹ اور فراڈ پر پی ٹی آئی نے ہمارے نوٹیفکیشن معطل کرائے تھے، الیکشن سے متعلق شکایات صرف الیکشن ٹربیونل سنے گا، ہائی کورٹ مجاز نہیں۔انہوں نے کہا کہ اسلام آباد کے 3 حلقوں کے نتائج متنازع بنانے کی کوشش کی گئی، ہمارے پاس تینوں حلقوں کے فارم 45 موجود ہیں، جس فورم پر ہم سے فارم 45 مانگے جائیں گے پیش کریں گے۔(ن )لیگی رہنما نے کہا کہ اسلام آباد کے تینوں حلقوں میں گزشتہ دنوں تنازع پیدا کیا گیا، اسلام آباد ہائیکورٹ نے ہمارے تینوں حلقوں کے نوٹیفکیشن معطل کیے، پراپیگنڈا کیا گیا کہ ان حلقوں میں کوئی بیضابطگی ہوئی، کل الیکشن کمیشن نے ہمارے نوٹیفکیشن بحال کردیے۔انہوںنے کہاکہ ہائیکورٹ اور الیکشن کمیشن ٹرائل کورٹ نہیں ہوتے، الیکشن سے متعلق تمام شکایات ٹربیونلز میں جاتی ہیں، ٹربیونلز بننے کے بعد دوسری عدالتیں کیسز نہیں سنتیں، پی ٹی آئی رہنماؤں نے ہائیکورٹ میں جھوٹ بولا کہ ٹربیونلز قائم نہیں ہوئے۔طارق فضل چوہدری نے کہا کہ 2024ء کے الیکشن سے زیادہ اعتراضات 2018ء میں اٹھائے گئے تھے، پی ٹی آئی سے کہتا ہوں ہم سیاسی لڑائی لڑنے کو تیار ہیں آپ ریاست سے نہ لڑیں۔طارق فضل چوہدری نے کہا کہ ادارے ہمیشہ ان کی بدمعاشی کی زد میں رہے ہیں، پی ٹی آئی والے پیشہ ورانہ مس کنڈکٹ کر رہے ہیں، پی ٹی آئی سیاسی عمل میں ملک دشمنی نہ کرے۔انہوں نے کہا کہ گزشتہ روز جو آئی ایم ایف سے متعلق بیان دیا گیا ملک دشمنی ہے، پی ٹی آئی والے امریکا سے مدد مانگ رہے ہیں۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...