کراچی(این این آئی)نامزد وزیراعلیٰ سندھ سیدمرادعلی شاہ نے کہا ہے کہ وہ باہر احتجاج کرتے رہیں اورہم اندرحلف اٹھائیں گے،جو ہمارے ساتھ زیادتی ہوئی ان کا بھی بتائوں گا۔نو منتخب ارکان کی حلف برداری کے لیے سندھ اسمبلی اجلاس کے لیے پہینچنے والے مراد علی شاہ نے میڈیا سے گفتگو میں کہا کہ میں نے پہلے ہی بتا دیا تھا کتنی نشستیں ملیں گی، ہم نے سوچ سے بڑھ کر سیٹیں حاصل کی ہیں۔انہوں نے کہا کہ آج (اتوار)اسپیکرکا الیکشن ہوگا جبکہ کل(پیر) وزیراعلی کاالیکشن ہوگا۔مراد علی شاہ نے کہاکہ ملک کو اس وقت کافی مشکلات کاسامناہے، االلہ کی رضاسے خیریت سے یہ مراحل گرزجائیں۔ وفاق اورصوبائی حکومتوں کیلئے بہت بڑاچیلنج ہے اور سب کوساتھ ملکر مشکلات کو حل کرنا ہوگا۔انہوں نے کہا کہ پاکستان میں مسائل بہت ہیں مل کر حل کریں گے۔انتخابی دھاندلی سے متعلق سوال پر انہوں نے کہاکہ میں ایک ایک فارم کا حساب دوں گا، احتجاج سب کاحق ہے،پرامن احتجاج کریں۔ جو ہمارے ساتھ زیادتی ہوئی ان کا بھی بتائوں گا۔
