مانسہرہ(این این آئی) خیبر پختونخوا (کے پی) کے علاقے مانسہرہ میں 884 میگاواٹ کے سکی کناری ہائیڈرو پاور پراجیکٹ (ایس کے ایچ پی پی) نے آبی ذخائر بھرنے کا کام شروع کر دیا ہے۔ ایس کے ایچ پی پی چین پاکستان اقتصادی راہداری (سی پیک) کے تحت پن بجلی کے بڑے منصوبوں میں سے ایک ہے۔گوادر پرو کے مطابق ایس کے ایچ پی پی، جو چائنا گیزوبا گروپ کمپنی لمیٹڈ (سی جی جی سی لمیٹڈ) کی جانب سے اسپانسر کے طور پر تعمیر کیا جا رہا ہیمقامی وقت کے مطابق صبح دس بجے اپنے آبی ذخائر کو بھرنا شروع کیا۔گوادر پرو کے مطابق یہ منصوبہ سی جی جی سی لمیٹڈ کی جانب سے مانسہرہ میں دریائے کنہار (دریائے جہلم کی ایک معاون ندی) پر تعمیر کیا جا رہا ہے۔ ایس کے ایچ پی پی ایک اسفالٹ کنکریٹ کور چٹان بھرنے والا ڈیم ہے جس کی اونچائی 2239.5 میٹر ہے۔ ڈیم کی زیادہ سے زیادہ اونچائی 54.5 میٹر ہے جس کی چوڑائی 10 میٹر، لمبائی 258 میٹر اور کل گنجائش 1.9 ملین مکعب میٹر ہے۔گوادر پرو کے مطابق اس منصوبے کی تکمیل کے بعد ایس کے ایچ پی پی پاکستان کے لیے ہر سال 3.2 ارب کلو واٹ بجلی پیدا کرے گا۔
