انقرہ(این این آئی)ترکیہ کے صدر رجب طیب اردوان نے نومنتخب وزیراعظم شہباز شریف کو فون کرکے مبارکباد دی ہے۔غیرملکی خبررساں ادارے کے مطابق ترکیہ کے صدر نے پاکستان کو ترقی کی راہ پر گامزن کرنے کی شہباز شریف کی صلاحیت پر اعتماد کا اظہار کیا۔قبل ازیں چین کے صدر اور وزیراعظم نے نومنتخب وزیراعظم شہباز شریف کے لیے نیک تمناوں کا پیغام بھیجا۔ایران کے صدر ابراہیم رئیسی نے بھی شہباز شریف کو وزیراعظم منتخب ہونے پر مبارک باد دی ہے۔
