چارسدہ (این این آئی) وزیراعظم میاں محمد شہباز شریف کا مسلم لیگ ن کے مرکزی قائدین و وفاقی وزراء کے ہمراہ ولی باغ چارسدہ آمد۔ وزیراعظم میاں محمد شہباز شریف نے اسفندیار ولی خان کی شریک حیات اور صوبائی صدر اے این پی پختونخوا ایمل ولی خان کی والدہ محترمہ کی وفات پر ایمل ولی خان سے تعزیت کی۔ وزیر اعظم کے ہمراہ وزیر خارجہ اسحاق ڈار،وفاقی وزیر امیر مقام اور خواجہ سعد رفیق بھی موجود تھے۔ اس موقع پراے این پی کے ایمل ولی خان ،حاجی غلام احمد بلور اور سابق سنیٹر ہدایت اللہ سمیت اے این پی کے دیگر قائدین بھی موجودتھے ۔
