لاہور( این این آئی)وزیر اعلی پنجاب مریم نواز شریف نے فیصل آباد میں پتنگ کی ڈورسے نوجوان کے جاں بحق ہونے کے واقعہ کا نوٹس لیتے ہوئے واقعہ کی تحقیقات اور ذمہ داروں کے خلاف کارروائی کا حکم دیدیا۔ وزیراعلیٰ مریم نواز شریف نے پتنگ بازی کی روک تھام میں ناکامی پر اظہار برہمی کرتے ہوئے کہا کہ پتنگ بازی خونی کھیل بن چکا ہے اور قابل سزا جرم ہے، تفریح کیلئے کسی شہری کی جان خطرے میں ڈالنے کی اجازت نہیں دی جاسکتی۔ وزیر اعلی مریم نواز شریف کی پولیس کو پتنگ بازی کے سدباب کیلئے موثر اقدامات کی ہدایت بھی کی ۔
