اسلام آباد (این این آئی)اسلام آباد ہائی کورٹ نے سابق وفاقی وزیر فواد چوہدری کی نیب کیس میں ضمانت منظوری کا تحریری فیصلہ جاری کرتے ہوئے کہا ہے کہ پراسیکیوٹر نے تسلیم کیا کہ ملزم کے خلاف دو افراد کے بیانات کے علاوہ کوئی شواہد موجود نہیں ہیں۔اسلام آباد ہائی کورٹ کے چیف جسٹس عامر فاروق اور جسٹس طارق محمود جہانگیری نے فیصلہ جاری کیا۔تحریری فیصلے میں کہا گیا کہ فواد چوہدری پر الزام ہے کہ انہوں نے جہلم روڈ منصوبے میں کرپشن کی، منصوبے کا پی سی ون پلاننگ بورڈ پنجاب نے منظور کیا، دو رویا سڑک منصوبے کا پی سی ون سی ڈی ڈبلیو ڈی اور ایکنک سے بھی منظور ہوا، تمام قانونی تقاضے پورے کرنے کے بعد منصوبہ ایف ڈبلیو او کو سونپا گیا۔عدالت نے تحریری فیصلے میں کہا کہ اسپیشل پراسیکیوٹر نیب نے تسلیم کیا کہ مقدمے میں ان تمام ایجنسیز کا کوئی بھی اہلکار ملزم نامزد نہیں، فواد چوہدری پر ٹھیکیدار محمد علی سے 50 لاکھ روپے رشوت لینے کا الزام ہے، الزام ہے کہ فواد چوہدری نے منصوبہ ٹھیکیدار محمد علی کو سونپنے کے لیے 50 لاکھ روپے رشوت لی، ٹھیکیدار محمد علی کا بیان نیب کی جانب سے ریکارڈ کیا جا چکا ہے۔تحریری فیصلے میں کہا گیا کہ ہائی وے ڈویژن کے ایکس ای این کے مطابق فواد چوہدری نے منصوبے کی فیزی بیلٹی رپورٹ بنانے کے لیے بھی دباؤ ڈالا، ملزم فواد چوہدری کو 19 دسمبر 2023ء کو گرفتار کیا گیا اور مقدمہ صرف ابھی انکوائری اسٹیج پر ہے، اس معاملے کی تحقیقات کی سفارش ہوئی، نہ ہی ریفرنس فائل کرنے کی سفارش ہوئی، نیب کے دفعہ 4 ٹو بی کے تحت یہ معاملہ نیب کے دائرہ اختیار میں ہی نہیں آتا۔اسلام آباد ہائی کورٹ نے کہا کہ فواد چوہدری کی ضمانت کی درخواست دس لاکھ روپے کے مچلکوں کے عوض منظور کی جاتی ہے، ضمانت منظوری کا فیصلہ کیس کے ٹرائل پر اثر انداز نہیں ہوگا۔
مقبول خبریں
سکول سے باہر اڑھائی کروڑ بچوں کو زیور تعلیم سے آراستہ کرنا سب سے...
نیویارک(این این آئی)وزیراعظم محمد شہباز شریف نے ملک میں معیاری تعلیم کے فروغ کو اولین ترجیح قرار دیتے ہوئے کہا ہے کہ سکول سے...
حکومت عوام کو ریلیف دے وگرنہ عوام حق چھین لیں گے ، لیاقت بلوچ
لاہور(این این آئی) نائب امیر جماعت اسلامی پاکستان لیاقت بلوچ کا کہنا ہے کہ عوام کو ریلیف دلانے کے لیے 29ستمبر کو پورے ملک...
پی ٹی آئی کی مینار پاکستان میں جلسے کی اجازت کیلئے لاہور ہائیکورٹ میں...
لاہور(این این آئی) پاکستان تحریک انصاف (پی ٹی آئی) نے مینار پاکستان لاہور میں جلسے کی اجازت کے لیے لاہور ہائیکورٹ میں درخواست دائر...
حکومت کو جو سوٹ کریگا اسے آئینی اور جو نہ کرے اسے غیر آئینی...
اسلام آباد(این این آئی)تحریک انصاف کی کور کمیٹی کے رکن شعیب شاہین کا کہنا تھا تمام ادارے سپریم کورٹ کے ہر فیصلے کو ماننے...
پنجاب، 24 گھنٹوں میں ڈینگی کے82 کیسز رپورٹ
راولپنڈی(این این آئی)گزشتہ 24 گھنٹوں کے دوران صوبہ پنجاب میں ڈینگی کے 82 کیسز رپورٹ ہوئے ہیں۔محکمہ صحت پنجاب کے ترجمان کے مطابق رواں...