اسلام آباد(این این آئی)وفاقی وزیر تجارت جام کمال نے کہا ہے کہ کئی سعودی اور پاکستانی کمپنیوں کے باہمی معاہدے طے پا چکے ہیں اور بہت سی پاک سعودی کمپنیز کا سرمایہ کاری پر اتفاق رائے ہو چکا ہے۔وفاقی وزیر تجارت جام کمال نے خصوصی گفتگو کرتے ہوئے بتایا کہ کئی سعودی اور پاکستانی کمپنیوں کے ایک دوسرے کے ساتھ معاہدے طے پا چکے ہیں، بہت سی سعودی اور پاکستانی کمپنیوں کا ایک دوسرے کے ساتھ اتفاق رائے ہو چکا ہے اور کئی کمپنیاں بات چیت آگے بڑھا رہی ہیں، سعودی سرمایہ کاروں کے وفد کی آمد کران پرنس کے دورہ پاکستان کا اہم حصہ ہے۔جام کمال نے سعودی سرمایہ کاروں کو پاکستان میں کئی ملین ایکڑز زرعی زمین ٹھیکے پر دینے کی خبروں کی تردید کرتے ہوئے کہا کہ ایسا کچھ بھی نہیں ہے، زراعت کے شعبے میں جو سرمایہ کاری ہوگی وہ دونوں ممالک کے سرمایہ کار اپنے فائدے دیکھتے ہوئے طے کریں گے۔وزیر تجارت نے کہاکہ پاکستان عرب ممالک کے علاوہ کامن ویلتھ اور وسط ایشیائی ممالک کے ساتھ بھی تجارت کا حجم بڑھا رہا ہے جس کے ملکی معیشت پر مثبت اثرات جلد نظر آنا شروع جائیں گے۔
