لاہور( این این آئی )پاکستان مسلم لیگ(ن) کی سنٹر ل ایگزیکٹو کمیٹی، سنٹرل ورکنگ کمیٹی اور قومی اسمبلی ، سینیٹ کے اراکین کے مشترکہ اجلاس میں لاہور کے کامیاب جلسے پر منتظمین کو خراج تحسین اور عوام سے اظہار تشکر کیا گیا ، اجلاس میں پارٹی چیئرمین راجہ ظرالحق، خواجہ آصف، شاہد خاقان عباسی، رانا ثنااللہ خاں اور مشاہداللہ خان کا نے پارٹی کو متحرک وفعال بنانے پر مریم نوازشریف کو بھی خراج تحسین پیش کیا ۔ راجہ ظفر الحق نے کہا کہ مسلم لیگ (ن) کو ایک نئی زندگی اور جذبہ دے کر متحرک و فعال بنانے پر مریم نوازشریف تعریف کی مستحق ہیں ،مریم نواز پارٹی قائد نوازشریف کے بیرون ملک اور شہبازشریف کے جیل میں ہونے کے باوجود پارٹی کو جس اتحاد، رابطے اور یک جہتی سے لے کر چلی ہیں وہ مثالی ہے۔ انہوں نے کہا کہ مینار پاکستان پرکامیاب جلسے پر مبارکبادیتاہوں اور اس میں مریم نوازشریف کا بڑا حصہ ہے۔ شاہد خاقان عباسی نے کہاکہ جعلی حکومت کے خلاف قومی تحریک کی قوت مسلسل بڑھ رہی ہے،پی ڈی ایم کی کامیابی میں مسلم لیگ (ن)کا بھرپور کردار قابل تعریف اور تاریخی ہے،پی ڈی ایم کی عوامی تحریک کے نتیجے میں لانگ مارچ کامیاب ہوگا۔خواجہ محمد آصف نے کہا کہ مینار پاکستان پر تاریخی جلسے پر پی ڈی ایم، عوام، پارٹی قائدین، رہنمائوں اور کارکنان کو مبارک دیتا ہوں،اپنی سیاسی زندگی کی تاریخ میں مینار پاکستان پر اتنا بڑا جتماع نہیں دیکھا،مریم نوازشریف نے اپنی محنت، عوامی رابطے، پارٹی قائدین اور رکارکنان کے جس طرح جذبے بڑھائے، جلسہ آرگنائز کیا، وہ قابل تعریف ہے۔ انہوں نے کہا کہ گوجرانوالہ سے لے کر مینار پاکستان تک پی ڈی ایم کے ہر جلسے میں مسلم لیگ(ن)اور مریم نوازشریف کی کارکردگی لائق تحسین ہے۔ رانا ثنا اللہ خان نے کہا کہ پنڈال میں بیٹھ کر جلسہ دیکھا، مینار پاکستان پر اجتماع میں عوام کا جوش وجذبہ غیرمعمولی تھا،مینار پاکستان کے اندر ہی نہیں اس کے باہر بھی جلسہ ہورہا تھا،مینار پاکستان جلسے کے انعقاد میں پارٹی کے گردونواح کے ڈویژن اور اضلاع کو خراج تحسین پیش کرتا ہوں۔ مشاہد اللہ خان نے کہا کہ پی ڈی ایم تحریک کی کامیابی اور عوامی پذیرائی پر اپنے قائد محمد نوازشریف اور ان کی بہادر بیٹی کو مبارک دیتا ہوں،گوجرانوالہ، کراچی، کوئٹہ، پشاور، ملتان، لاہور سے لے کر گلگت بلتستان تک مریم نوازشریف نے پارٹی کو نئی شناخت دی،پی ڈی ایم کی عوامی تحریک کا جذبہ ہر روز بڑھ رہا ہے۔
مقبول خبریں
متحدہ عرب امارات میں آج سے شدید بارش کی پیشگوئی
ابوظہبی(این این آئی)متحدہ عرب امارات میں بدھ کی شام سے جمعرات تک شدید بارش کی پیشگوئی کی گئی ہے۔غیرملکی خبررساں ادارے کے مطابق اماراتی...
جنگ بندی اور غزہ سے اسرائیلی افواج کا انخلا چاہتے ہیں، حماس
مقبوضہ بیت المقدس(این این آئی)حماس کے ترجمان عبدالطیف الکانو نے کہا ہے کہ ہمارے مطالبات جائز ہیں، مستقل جنگ بندی اور غزہ سے...
اسرائیل نے 40 روزہ جنگ بندی کی پیشکش کی ہے، برطانیہ
مقبوضہ غزہ(این این آئی)غزہ میں جنگ بندی معاہدے کی کوششیں جاری ہیں۔ غیرملکی خبررساں ادارے کے مطابق اس حوالے سے برطانوی وزیرخارجہ نے کہا...
اعلی امریکی سفارت کار کی شہزادہ محمد بن سلمان سے ریاض میں ملاقات
ریاض(این این آئی)سعودی ولی عہد اور وزیر اعظم شہزادہ محمد بن سلمان نے پیر روز امریکہ کے اعلی ترین سفارت کار انٹونی بلنکن سے...
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...