اسلام آباد(این این آئی) وفاقی وزیر اطلاعات ونشریات عطاء اللہ تارڑ نے کہاہے کہ پاکستان میں انتخابی عمل کو مضبوط بنانے کے لئے عالمی اداروں کا تعاون لائق تحسین ہے، انتخابی عمل میں ووٹرز کو آگاہی فراہم کرنا انتہائی ضروری ہے، فیک نیوز، مس انفارمیشن اور ڈس انفارمیشن پوری دنیا کا مسئلہ ہیں۔وفاقی وزیر اطلاعات عطاء اللہ تارڑ سے اقوام متحدہ کے انتخابی ضروریات کے جائزہ مشن نے ملاقات کی جس میں الیکشن کمیشن آف پاکستان کو یو این ڈی پی الیکشن سپورٹ پروگرام کے ذریعے تکنیکی معاونت کی فراہمی، فیک نیوز، مس انفارمیشن، ڈس انفارمیشن سمیت دیگر اہم امور پر تبادلہ خیال کیا گیا ۔وفاقی وزیر اطلاعات نے اقوام متحدہ کے جائزہ مشن کی جانب سے پاکستان میں انتخابات کی شفافیت کے لئے خدمات کو سراہا۔ وفاقی وزیر نے کہاکہ پاکستان میں انتخابی عمل کو مضبوط بنانے کے لئے عالمی اداروں کا تعاون لائق تحسین ہے۔ وفاقی وزیر نے کہاکہ ڈیجیٹل دور میں پاکستان میں انتخابی مہمات میں تبدیلی آئی ہے۔ وفاقی وزیر نے کہاکہ سوشل میڈیا کے عروج نے سیاسی مصروفیات کو نئی شکل دی ہے۔ وزیر اطلاعات نے کہاکہ موجودہ ڈیجیٹل دور میں جہاں ڈیجیٹل پر مبنی حکمت عملیوں کی راہ ہموار ہو رہی ہے وہاں فیک نیوز، مس انفارمیشن اور ڈس انفارمیشن کے چیلنجز بھی درپیش ہیں۔ وزیراطلاعات نے کہاکہ فیک نیوز، مس انفارمیشن اور ڈس انفارمیشن پوری دنیا کا مسئلہ ہیں۔ عطاء اللہ تارڑ نے کہاکہ الیکشن کمیشن آف پاکستان موجودہ دور کے تقاضوں کے مطابق ڈیجیٹل محاذ پر کام کر رہا ہے۔وفاقی وزیر اطلاعات نے اقوام متحدہ کے انتخابی ضروریات کے جائزہ مشن کو اپنے حلقہ انتخاب سے متعلق بھی آگاہ کیاوزیراطلاعات نے کہاکہ انتخابی عمل میں ووٹرز کو آگاہی فراہم کرنا انتہائی ضروری ہے۔ عطاء اللہ تارڑ نے کہاکہ میرے حلقہ انتخاب میں 70 ہزار سے زائد مسیحی برادری کے لوگ شامل ہیں۔ وفاقی وزیر نے کہاکہ اپنے حلقہ انتخاب میں ہر شخص کو متحرک کیا اور انہیں ہر شعبے سے متعلق آگاہی فراہم کی۔اقوام متحدہ کے انتخابی ضروریات کے جائزہ مشن نے حکومت پاکستان کے انتخابی عمل کی ساکھ کو بہتر بنانے کے لئے اقدامات کو سراہا۔وفد میں پولیٹیکل افیئرز افسران ہیسام منکارا، ادتیہ ادھیکاری، یو این ڈی پی ریجنل ایڈوائزر ناجیا ہاشیمی، چیف ٹیکنیکل ایڈوائزر یو این ڈی پی SELP میری کیومنز، پروگرام ایڈوائزر SELP یو این ڈی پی محمد قاسم جنجوعہ شامل تھے۔
مقبول خبریں
بھارتی وزیراعظم نریندر مودی کو چپل پڑ گئی، ویڈیو سوشل میڈیا پر وائرل
اترپردیش (این این آئی)تیسری بار بھارتی وزیراعظم بننے والے نریندر مودی کی گاڑی پر چپل سے حملہ کیا گیا جس کی ویڈیو سوشل میڈیا...
سعودی عرب مسئلہ فلسطین کے حوالے سے ثابت قدم ہے،سعودی سفیر
لندن (این این آئی)برطانیہ میں سعودی عرب کے سفیر شہزادہ خالد بن بندر بن سلطان نے کہا ہے کہ فلسطینی عوام کی قیمت پر...
بھارت اور پاکستان کے درمیان براہ راست بات چیت کی حمایت کرتے ہیں ،...
واشنگٹن (این این آئی)امریکی محکمہ خارجہ کے ترجمان میتھیو ملر نے کہا ہے کہ امریکا بھارت اور پاکستان کے درمیان براہ راست بات چیت...
حج 2024، گرمی سے جاں بحق حاجیوں کی تعداد1 ہزار81 ہوگئی
ریاض(این این آئی) دو دن میں گرمی کی شدت سے مزید زیر علاج مریضوں اور دیگر حاجیوں کے جاں بحق ہونے سے مجموعی تعداد...
سوناکشی کا مسلمان دوست سے شادی کا اعلان، سنہا خاندان میں پھوٹ پڑ گئی
ممبئی (این این آئی)بالی وڈ اداکارہ سوناکشی سنہا کی جانب سے اداکار دوست ظہیر اقبال سے شادی کے اعلان کے بعد سنہا خاندان میں...