مقبوضہ غزہ(این این آئی)غزہ میں جنگ کی کوریج کرنے والے فلسطینی صحافیوں نے ورلڈ پریس فریڈم ہیرو 2024 کے ایوارڈ اپنے نام کرلیا۔غیرملکی خبررساں ادارے کے مطابق ایوارڈ دینے والے ادارے کی طرف سے جاری کردہ ایک بیان کے مطابق یہ ایوارڈ پہلی بار صحافیوں کے ایک گروپ کو دیا گیا ہے۔اس فہرست میں الجزیرہ عربی کے غزہ کے بیورو چیف وائل دہدوہ شامل ہیں، جن کی اہلیہ، بیٹا، بیٹی اور پوتا اکتوبر 2023 میں اسرائیلی فضائی حملے میں شہید ہو گئے تھے۔اس ایوارڈ میں بلال جد اللہ کو بھی خراج تحسین پیش کیا گیا، جنہیں غزہ میں fatherfather figure of journalism کہا جاتا ہے، وہ بھی نومبر 2023 میں اسرائیلی گولہ باری سے شہید ہوگئے تھے۔انٹرنیشنل پریس انسٹی ٹیوٹ (آئی پی آئی)اور انٹرنیشنل میڈیا سپورٹ (آئی ایم ایس)کی طرف سے مشترکہ طور پر پیش کیا جانے والا یہ ایوارڈ غزہ میں جنگ کی کوریج کرنے والے فلسطینی صحافیوں کی غیر معمولی ہمت اور کوریج کو تسلیم کرنے کے لیے دیا گیا۔بیان میں کہا گیا کہ انتہائی سنگین حالات میں انہوں نے فلسطینیوں کی آنکھیں اور کان بننے کی ذمہ داری ادا کرنے کے لیے اپنی جانیں خطرے میں ڈالی ہیں۔اکتوبر 2023 سے اسرائیل نے غیر ملکی صحافیوں کو غزہ میں داخلے سے روک دیا ہے اور فلسطینی صحافیوں نے علاقے کے اندر رپورٹنگ کی ذمہ داری ادا کی۔وہ فضائی حملوں، مواصلاتی بلیک آٹ، نقل مکانی، بچوں، والدین اور خاندان کے دیگر افراد کے تباہ کن نقصان اور انسانی تباہی کے باوجود ثابت قدم رہے ہیں۔بیان میں مزید کہا گیا ہے کہ 8 ماہ قبل جنگ کے آغاز سے اب تک خطے میں کم از کم 105 صحافی اور میڈیا کارکن مارے جا چکے ہیں۔ ان میں سے اکثریت فلسطینی صحافیوں کی تھی۔ہلاکتوں کی یہ تعداد اس عرصے میں کسی بھی جنگ یا تنازع میں ہونے والے ہلاکتوں سے کہیں زیادہ تھی۔یہ ایوارڈ 23 مئی کو بوسنیا اور ہرزیگووینا کے دارالحکومت سرائیوو میں منعقدہ آئی پی آئی ورلڈ کانگریس اینڈ میڈیا انوویشن فیسٹیول میں ایک خصوصی تقریب میں دیا جائے گا۔
مقبول خبریں
وزیرداخلہ محسن نقوی کافرینٹر کانسٹیبلری کے شب قدر قلعہ کا دورہ ،قیام...
اسلام آباد (این این آئی)وفاقی وزیرداخلہ محسن نقوی نے کہا ہے کہ ایف سی کے افسروں اور جوانوں نے دہشتگردی کے خلاف جنگ...
وزیراعظم محمد شہباز شریف عوام کو ریلیف دینے کے لئے ہر ممکن کوشش کررہے...
اسلام آباد (این این آئی)چیئرمین پرائم منسٹر یوتھ پروگرام رانا مشہود احمد خان نے کہا ہے کہ وزیراعظم محمد شہباز شریف عوام کو...
عالمی بینک نے پاکستان کیلئے 15 کروڑ ڈالرز کی منظوری دیدی
اسلام آباد(این این آئی)عالمی بینک نے پاکستان کیلئے 15کروڑ ڈالرز فنڈز کی منظوری دے دی، رقم پنجاب میں لڑکوں اور لڑکیوں کی پرائمری...
سندھ کا ترقیاتی بجٹ باقی صوبوں کے مقابلے میں زیادہ ہے، وزیراعلیٰ سندھ
کراچی (این این آئی)وزیراعلیٰ سندھ مراد علی شاہ نے کہا ہے کہ رواں مالی سال کا بجٹ گزشتہ بجٹ سے 34 فیصد زیادہ...
پنجاب کی جیلوں میں قیدیوں کو عید کے پہلے 2 زوز اہلخانہ سے ملاقات...
لاہور( این این آئی) پنجاب کی جیلوں میں بند قیدیوں کو عیدالاضحی کے پہلے اور دوسرے دن اہلخانہ سے ملاقات کی اجازت دے دی...