کولکتہ(این این آئی)ایک ہفتہ قبل بھارت میں لاپتا ہونے والے بنگلہ دیش کی حکمراں جماعت عوامی لیگ کے رکن اسمبلی کو بھارتی شہر کولکتہ میں قتل کردیا گیا۔بھارتی ٹی وی کے مطابق بنگلہ دیش کے وزیر داخلہ اسد الزماں خان نے بتایا کہ ایک ہفتہ قبل بھارت میں لاپتا ہونے والے بنگلہ دیشی حکمران جماعت کے رکن کی بھارتی شہر کولکتہ میں لاش ملی ہے۔بنگلہ دیش کے سرحدی ضلع جھنیدہ کے ایک حلقے سے عوامی لیگ کے ٹکٹ پر مسلسل تیسری بار کامیابی حاصل کرنے والے 56 سالہ انوار العظیم انار کے لواحقین کے مطابق رکن اسمبلی علاج کے لیے بھارت جانے کے ایک دن بعد 13 مئی کو لاپتا ہو گئے تھے۔اسد الزمان نے صحافیوں کو بتایا کہ رکن اسمبلی کی موت پر تین بنگلہ دیشیوں کو گرفتار کیا گیا ہے۔انہوں نے کہا کہ بنگلہ دیش پولیس اور کولکتہ پولیس مشترکہ تحقیقات کر رہی ہیں اور تحقیقات ہونے تک تمام معلومات کو افشا نہیں کر سکتیں۔بھارتی پولیس نے بتایا کہ قتل کا مقدمہ درج کر لیا گیا ہے البتہ رکن اسمبلی کی لاش ابھی برآمد ہونا باقی ہے۔ریاست مغربی بنگال کے سینئر پولیس افسر اکھیلیش چترویدی نے کہا کہ ہم نے اس ہاسنگ کمپلیکس سے ویڈیو فوٹیج حاصل کی ہے جہاں وہ دورے کے دوران ٹھہرے ہوئے تھے، تحقیقات کے دوران خون کے کچھ دھبے بھی دیکھے گئے ہیں۔ایک اور سینئر پولیس افسر نے نام ظاہر نہ کرنے کی شرط پر بتایا کہ حملہ آوروں کا تعلق دہشت گرد تنظیموں سے ہو سکتا ہے۔وزیر اعظم شیخ حسینہ نے رکن اسمبلی کے انتقال پر تعزیت اور گہرے دکھ کا اظہار کیا۔
مقبول خبریں
وفاقی کابینہ کا اہم اجلاس (کل) طلب، آپریشن عزم استحکام سے متعلق اعتماد میں...
اسلام آباد (این این آئی )وزیر اعظم شہباز شریف نے وفاقی کابینہ کا اہم اجلاس (کل) منگل کو طلب کرلیا، اجلاس میں آپریشن عزم...
کراچی میں گرمی کی شدت میں اضافہ، درجہ حرارت 41 ڈگری تک پہنچ گیا
کراچی (این این آئی)کراچی میں قیامت خیز گرمی نے شہریوں کی مشکلات میں اضافہ کردیا ہے ، شہر کا درجہ حرارت 41 ڈگری تک...
وفاقی وزیر صنعت و پیداوار رانا تنویر حسین ترکمانستان کے 3 روزہ دورے پر...
اسلام آباد(این این آئی)وفاقی وزیر صنعت و پیداوار رانا تنویر حسین پیر کو ترکمانستان کے 3 روزہ سرکاری دورے پر روانہ ہوگئے۔ وزارت صنعت...
جج پر جانبداری کا الزام لگانے پر رہنما مسلم لیگ (ن) انجم عقیل کو...
اسلام آباد (این این آئی)اسلام آباد ہائی کورٹ نے پاکستان مسلم لیگ (ن)کے رکن قومی اسمبلی انجم عقیل خان کو توہین عدالت کا...
مخصوص نشستوں کا کیس،عمران خان بطور وزیراعظم الیکشن کمیشن پر اثرانداز ہو رہے تھے،...
اسلام آباد (این این آئی) سپریم کورٹ میں سنی اتحاد کونسل کی مخصوص نشستوں سے متعلق درخواست پرسماعت کے دوران چیف جسٹس پاکستان...