ریاض(این این آئی)سعودی وزیرِ خارجہ شہزادہ فیصل بن فرحان سے فلسطینی وزیرِ خارجہ ڈاکٹر محمد مصطفی کا ٹیلیفونک رابطہ ہوا ہے۔غیرملکی خبررساں ادارے کے مطابق سعودی وزارتِ خارجہ نے بتایاکہ دونوں وزرائے خارجہ نے غزہ کی پٹی اور مغربی کنارے و گرد و نواح کی تازہ صورتِ حال پر تبادلہ خیال کیا ہے۔سعودی وزارتِ خارجہ نے بتایا کہ سعودی و فلسطینی وزیرِ خارجہ کے درمیان فلسطین کے مسئلے کے حل کے لیے کی جانے والی کوششیں بھی زیرِ بحث آئیں۔سعودی وزارتِ خارجہ نے یہ بھی بتایا کہ دونوں وزرائے خارجہ نے فوری جنگ بندی، متاثرین کی بحالی اور مستقل امدادی اشیا کی فراہمی پر بات چیت بھی کی۔
