اسلام آباد (این این آئی)وفاقی وزیر داخلہ محسن نقوی نے اسلام آباد بیوٹیفکیشن میں تاخیر کا نوٹس لیتے ہوئے ممبر ماحولیات سی ڈی اے کو عہدے سے ہٹانے کا حکم دیدیا ہے،وفاقی وزیر نے ہدایت دی کہ ایسا افسر لگایا جائے جو اسلام آباد کے بیوٹیفکیشن پلان پر عملدرآمد میں دن رات ایک کر دے۔ترجمان وزارت داخلہ کے مطابق اسلام آباد کے بیوٹیفکیشن پلان میں تاخیر پر وفاقی وزیر داخلہ محسن نقوی نے سخت نوٹس لیتے ہوئے ممبر ماحولیات سی ڈی اے کو فوری طور پر تبدیل کرنے کا حکم دے دیا ہے۔وزیر داخلہ نے کہا کہ کام میں تاخیر کسی صورت برداشت نہیں ہوگی ، کام نہ کرنے والے افسران کی میری ٹیم میں کوئی جگہ نہیں۔ انہوں نے چیئرمین سی ڈی اے کو ممبر ماحولیات کے عہدے پر محنتی اور باصلاحیت افسر تعینات کرنے کی ہدایت دی۔
