اسلام آباد (این این آئی)وزیرِ اعظم محمد شہباز شریف نے تیراہ، ضلع خیبر اور لکی مروت میں دہشتگردوں کے خلاف کامیاب آپریشن ر پاک فوج کے افسران و جوانوں کی پذیرائی کرتے ہوئے کہا ہے کہ پوری قوم ملک کو دہشتگردی کی عفریت سے پاک کرنے کیلئے افواجِ پاکستان کے بہادر جوانوں کے شانہ بشانہ کھڑی ہے۔پیر کو وزیراعظم آفس کے میڈیا ونگ سے جاری کردہ بیان کے مطابق وزیراعظم محمد شہباز شریف نے کہا کہ سکیورٹی فورسز کے اہلکاروں نے بہادری کا مظاہرہ کرتے ہوئے 9 دہشتگردوں، بشمول خطرناک و انتہائی مطلوب دہشتگردوں کو جہنم واصل کیا جس پر پوری قوم کو اپنے جوانوں پر فخر ہے، پاکستان کے محافظوں کا ملک میں امن کے قیام کیلئے غیر متزلزل عزم لائقِ تحسین ہے۔ انہوں نے کہا کہ پوری قوم ملک کو دہشت گردی کی عفریت سے پاک کرنے کیلئے افواجِ پاکستان کے بہادر جوانوں کے شانہ بشانہ کھڑی ہے۔
