اسلام آبا د(این این آئی)وفاقی وزیر اطلاعات عطاء اللہ تارڑ سے کینیڈا کی ہائی کمشنر لیسلی اسکینلون نے ملاقات کی جس میں پاکستان اور کینیڈا کے مابین دوطرفہ تعلقات، حکومت کے معاشی اقدامات سمیت مختلف اہم امور پر تبادلہ خیال کیا گیا ۔ منگل کو جاری اعلامیہ کے مطابق کینیڈا کی ہائی کمشنر نے وفاقی وزیر اطلاعات کو وزارت اطلاعات کے ساتھ ثقافت و قومی ورثہ کا اضافی قلمدان سنبھالنے پر مبارکباد دی۔وفاقی وزیر اطلاعات نے پاکستان اور کینیڈا کے درمیان مضبوط تعلقات کی اہمیت پر زور دیا۔ وزیراطلاعات نے کہاکہ پاکستان اور کینیڈا کے درمیان دیرپا اور کثیر جہتی تعلقات ہیں، کینیڈا پاکستان کا مرکزی ترقیاتی شراکت دار ہے۔ وفاقی وزیر نے کہاکہ دونوں ممالک کے درمیان معاشی تعلقات کو مزید مضبوط کرنے کی ضرورت ہے، معاشی تعلقات میں اضافہ دونوں ممالک کے مفاد میں ہے۔کینیڈین ہائی کمشنر نے حکومت پاکستان کے معاشی اقدامات کو سراہا
