نئی دہلی(این این آئی)بھارتی ریاست اترپردیش کے ضلع ہتھراس کے ایک گاوں میں مذہبی تقریب کے دوران بھگدڑ مچنے سے ہلاک ہونے والے افراد کی تعداد 121 ہو گئی ہے۔بھارتی میڈیا نے بتایاکہ بھارتی حکام کے مطابق بھگدڑ مچنے سے درجنوں افراد زخمی ہوگئے جبکہ ہلاک ہونے والوں میں ایک بڑی تعداد خواتین کی ہے۔مقامی خاتون کے مطابق یہ تقریب مقامی ہندو گرو کے اعزاز میں منعقد کی گئی تھی۔پولیس کے مطابق اس تقریب میں شرکت کیلیے لوگوں کی ایک بڑی تعداد جمع تھی، بھگدڑ مچنے کی وجہ لوگوں کی غیر معمولی تعداد تھی۔واقعہ کے بعد یوپی کے وزیرِ اعلی یوگی ادیتیا ناتھ نے مرنے والوں کے لواحقین سے دلی ہمدردی کا اظہار کیا۔
